Hasil Paruman Ngewilangin Indik Nyanggra Piodalan Ageng ring dadia PGDT

Om Swastyastu, manut sekadi uleman utawi arahan saking jero kelian dadia, rahina mangkin sampun ngemargiang paruman, ngewilangin indik nyanggra piodalan Ageng ring Dadia PGDT desa adat Tamblang ring Rahina Anggarkasih Prangbakat 22 Juli 2025.

Pemilet utawi sane ngeraihin paruman ring rahian Saniscara, 17 Mei 2025, kelian dadia, prajuru/pengurus, pemangku pengemong, pengelingsir, ketua kelompok, lan krama dadia.

Paruman sampun memargi antar tur sampun medue keputusan sekadi ring sor puniki.

1. Pamilet sami sampun cumpu tur nyungkemin ngemargiang piodalan ageng, nanging piodalane sane jagi rauh, aturan piodalan ageng saking sinalih tunggil krama saking kelompok 3. Antuk punika krama dadia ten keni prabea (Peturunan).
2. Prabea sami sampun kesayagaang olih sane maturan piodalan, krama dadia wantah ngewantu ngaryanin sarana prasana piodalan ageng.
3. Indik paebatan, krama lanang sami sampun cumpu keni pepeson sekadi nyuh, saang, lakar jukut, don jati (yening kari wenten) lan sane istri keni pepeson nasi.

Inggih wantah sapunike sane prasida titiang aturang ngeninin indik hasil paruman ring rahina saniscara, 17 Mei 2025, antuk uratiane titiang ngaturang suksma, sineb titiang antuk parama santhi, Om Santhi, santhi, santhi om.

Lokasi:

Berbagi :